Dolle nacionalipha hariparna
Pansh haripar ta pansh chib
Svedijo kammar pansh nacionalipha haripar ninna siros respektivi hariparschib:
- Pajkor ta Pajkoske
- svedijo lallaror ta lallaro
- tornedalingar ta meänkieli
- romer ta romani chib
- býskror ta jiddisch
Kava kaj kammar diro horta to
Resinet gla dova svedoa haripas pòlitikanan honkar te dela arakdel koro dolle nacionalipha hariparna ta dumojadolle paramisiska hariparschibben sav te dolle nast raffas jiddrande. Nuckors angledsajpe attjer jeck kulturaliph identiti ta ismarelat attjer kava plo hariparschibbet: nasht kerelas ulavela. Diro savo honkar jeck kota attjer jeck nacionaliph haripa kammar horte to:
- Janepha bási diros horte te ismarela diros haripars chib
- Janepha bási diros caciper pre diros chib.
- Pheribe ta djalogo ninna komúnan an puchar savo rör diron, diros chib ta diros kultúra
Drabb bùttar bási konun bási nacionalipha haripar ta .hariparschib.
Drabb konun an siros saipe pre themmdivusen patrin.
Ulavela caciper gla lallarorakkrade an Gävle komúna
Gävle komúna honkar jikk lallaro administririphethan. Kava kuciper te diron savo honkar lallarorakkrande kammar ulavela caciper, savo te Ismarela lallaror an diros kontakti ninna komúnan . Hari misal pre dova lallarochibiga servici vorsnos kammar honkar::
- kontakti kinari dindresken, savo kammar lallarochib servici pre sakodivuser kambana 8.00–15.00.
- gosti voro lallarochibiga patrin
- simaj puranoarakhibe pre lallaro
- simaj gla drabblehisp bukjakeripe ninna tovolta to lallarorakkrande dseniphe
Romsk andregenjela
Savo jeck glasoroloa attjer haripapòlitikan kammar phuvjakirin 2012 agorbat bási jeck dy desch basjti planiripa gla romsk andregenjela. Kava mukabuvlo resinet an planiripa honkar te dova rom savo perdar 20 basjt 2032 kammar savriga saiper an jibben savo jeck bi-rom. Komúnan nasht an siros bukjakeripe pottoanela romers tovolta to siros caciper.
Bajrak divusar
Savo jikk sutt te dikhutno ta kerela dolle nacionalipha hariparna ta dovas kultúra vasela komúnan hariparnas bajrakor teláll nacionalidivusar ta khonra vavra Kurkodivusar. Diro nast jura bajrakorna vaselade niga Godikhern than..
- 6 februario bajrakor vorsnos ninna dova pajkoska bajrako áshter savo kava honkar pajkors nacionali divus ta Pajkomanuschs divus. Divusen naselas to hatus attjer kava angleske pajkoska themstrissa an Trondheim 1917.
- 24 februarioi bajrakor vorsnos ninna svedijo lallaror bajrako pre svedijo lallarors divus.Divusen simades gla te kava sako Carl-Axel Gottlunds (1796–1875) biljanipa divus Lo sako jeck lallaro rodrar ta kultúrapolitikar savo kerrade ródrartradrare an maskar vavoret Tattoskethémm lalloveschtar.
- 8 aprilio honkar romernas nacionalidivus ta vorsnos bajrakor ninna dova romska bajrakon.Divusen naselas to hatus attjer dova angleske romska kongresi an London 1971.
- 15 julio bajrakor vorsnos ninna Tornedalens bajrako gla tornedalingarnas divus. teláll divusen naselar tornedalingar kànlan khere, to , tharer thanen ta natar..
- 6 decembero honkar Lallarothemmen libertatodivus ta keda bajrakor vorsnos ninna dova lallaro bajrakon.
Resin ta rigariper gla haripespòlitikat fakkepa
Sass svedoa komúnarska nasht kamma resin ta rigariper gla siros haripespòlitikat fakkepa. An Gävle honkar fakkkepat ninna nacionalipha haripar jeck kota attjer komúnan fakkepa ninna socijali soralot.