Našunála unnitlogut
Vihtta unnitlogu ja vihtta giela
Ruoŧas leat vihtta našunála unnitlogu guhtege unnitlogugielain:
- sámit ja sámegiella
- ruoŧasuopmelaččat ja suomagiella
- duortnosleagitlaččat ja meängiella
- romat ja romani chib
- juvdálaččat ja jiddiš
Dása dus lea riekti:
Ruoŧa unnitlogupolitihka ulbmil lea addit suoji našunála unnitloguide ja doarjut historjjálaš unnitlogugielaid vai dat seilot. Erenoamážit galgá ovddidit mánáid ovdáneami kultuvrralaš identitehtas ja iežaset unnitlogugiela greavaheamis. Dus guhte gulat našunála unnitlohkui lea riekti:
- oažžut dieđuid du rivttiid birra geavahit du unnitlogugielaid
- oažžut dieđuid makkár rievttit dus leat du gillii
- beassat váikkuhit ja gulahallat du gielddain áššiin mat gusket dutnje, du gillii ja du kultuvrii
Loga eambbo lága birra našunála unnitlogut ja unnitlogugielat
Loga olles lága riikkabeaivvi ruoktosiiddus
Sierra rievttit suomagielagiidda Gävle gielddas
Gävle gielda lea suoma hálddahusgielda. Dat buktá mielddis ahte go don leat suomagielat dus leat sierra rievttit, nugo dat ahte geavahit suomagiela dalle go dus lea oktavuohta gielddain. Moadde ovdamearkka suomagielat bálvalusain maid mii fállat:
- váldde oktavuođa min kundarbálvalusain mii fállá bálvalusa suomagillii árgabeivviid gaskkal 8.00 ja 15.00
- mana min suomagielat ruoktosiidui
- vállje boarrásiid divššu suomagillii
- vállje ovdaskuvladoaimmaid mas gávdno suomagielat bargoveahka
Fátmmastit romaid
Nannen dihte unnitlogupolitihka lea ráđđehus mearridan guoktelogi jahkásaš strategiijas fátmmastit roma olbmuid. Loahpalaš ulbmil strategiijas lea dat ahte roma olmmoš guhte jagis 2032 šaddá 20 jahkásaš galget leat seammá vejolašvuođat go eará olbmuin mat eai leat romat. Doaimmastis galgá gielda sihkkarastit romaid olahanvejolašvuohta sin rivttiide.
Leavgabeaivvit
Vuohki čalmmustahttit ja duvdit našunála unnitloguid ja sin kultuvrraid lokte gielda unnitloguid leavggaid našunálabeivviin ja eará bassi beivviin. Don máhtát oaidnit leavggaid stákkus Rådhustorgetis.
- Guovvamánu 6 beaivvi mii loktejit sámi leavgga danne go dan beaivvi lea sámi álbmotbeaivi ja sámeálbmoga beaivi. Beaivi lea ávvudanbeaivvi vuosttaš sámi riikkačoahkkima muitun Troanddin jagis 1917.
- Guovvamánu 24 beaivvi mii leavggadit ruoŧasuopmelaččaid. Beaivi válljejuvvui danne go dat lea Carl-Axel Gottlund (1796- 1875) riegádanbeaivi. Son leai suopmelaš álbmotvieruiddutki ja kulturpolitihkkár guhte earret earáid dagai dutkanmátkkiid Värmlandda suomamehciin.
- Cuoŋománo 8 beaivvi lea romaid našunálabeaivi ja mii leavggadit romaid leavggain. Beaivi lea ávvobeaivvi vuosttaš romaid kongreassas Londonis jagis 1971.
- Geassemánu 15 beaivvi mii loktejit Duortnosleagi leavgga durdnosleagilaččaid beaivvis. Dan beaivvi durdnosleagilaččat áibbašit ruoktot, ruohttasiidda, báikkiide ja bearrasiidda.
- Juovlamánu 6 beaivvi ja Suoma iešheanalašbeaivi ja dalle mii leavggadit suoma leavggain.
Ulbmil ja njuolggadusat unnitlogupolitihkalaš bargguin
Buot ruoŧa gielddain galget leat ulbmilat ja njuolggadusat sin unnitlogupolitihkalaš bargui. Gävles lea bargu našunála unnitloguin oassi gieldda bargguin sosiála bistevašvuođa bargguin. Dás gávnnat gieldda sosiála bistevašvuođa prográmma.